<$BlogRSDUrl$>

Saturday, May 28, 2005

அனாமதேயப் பிரச்சினைகள் - யோசனைகள்

தற்காத்துக் கொள்ளல் என்பது பிரச்சினையைத் தற்காலிகமாய்த் தவிர்க்க மட்டுமே உதவும். நோயின் தீவிரத்தைக் குறைத்து அதன் தொல்லையிலிருந்து அப்போதைக்கு விடுபடுவது போன்றது அது. அது சரியான தீர்வல்ல என்பது அனைவருக்கும் தெரிந்ததுதான். நோயின் அடிவேர் கண்டறியப்பட்டு அதற்கு சிகிச்சை அளிக்கப்படுவது அவசியம்; அது சில சமயம் அறுவைச் சிகிச்சையாகவும் இருக்கலாம். தற்காத்தலை விட எதிர்த்தாக்குதல் சிறந்த பலனிக்கும் என்பதால் இரண்டாவதைச் சிறந்த முறையாகவே கொள்ள வேண்டும்.

தமிழ் வலைப்பதிவுகளின் வளர்ச்சிக்குத் தடையாக இருக்கும், அனாமதேயமாய் அசிங்கங்களயும், அபாண்டங்களையும் தெளிக்கும் அந்த நபர்(கள்) தொடர்புடைய விதயங்கள்.

(1)ஒரு தமிழராகத்தான் இருக்க வேண்டும், அல்லது குறைந்த பட்சம் தமிழ் நன்றாய் எழுதப்படிக்கக்கூடியவர் என்பதில் சந்தேகமில்லை.

(2)இதுபோல் ஒன்றுக்கு மேற்பட்ட நபர்கள் இருப்பது மிகச் சாத்தியமானதே.

(3) வலைப்பதிவுகள் அவருக்கு மிகப் பரிச்சயம் என்பதோடு, அவர் தமிழ்வலைப்பதிவோர் பலருக்கும் அறிமுகமானவராயும் இருக்கலாம்.

(4)அவர் ஒவ்வொரு முறை பின்னூட்டமிடும்போதும் தனது அசிங்கமான சொற்களுடன் தனது ஊர், நாடு, ஐ.பி முகவரி ஆகியவற்றையும் அவருக்குத் தெரியாமல் சேர்த்தே பதிகிறார் ( மறைமுகமாய்).

(5) இதுபோல் வந்த சில பின்னூட்டங்களின்மூலம் நண்பர்கள் சிலர் துப்பறிந்து அவ்வாறு செய்தவரின்(களின்) ஐபி முகவரியை(களை) கண்டறிந்துள்ளார்கள்.

(6) இதுபோன்ற பின்னூட்டங்களை இடுபவர்களின் ஐபி முகவரிகளைக் கண்டறியத் தமிழ்மணம் உதவுவது சாத்தியமானதா என்று உறுதியாய்த் தெரியவில்லை. காசியின் கருத்து இங்கே முக்கியமானது.

(7) இலவசமாய்க் கிடைக்கும் extreme track, nedstat மற்றும் இன்ன பிறவும் இவ்விதயத்தில் உதவிகரமாய் இருக்கும். இதுபோன்றவற்றைப் பயன்படுத்துபவர்களின் கருத்தும், அவற்றில் எது சிறந்ததாய் இருக்கும் என்ற யோசனையும் வரவேற்கப்படுகிறது.

(8) இதுபோன்ற பின்னூட்டமிடுவது குற்றமென சட்டமியற்றப்பட்டிருப்பது அவ்வாறு பின்னூடமிடுபவர்களுக்குத் தெரிந்ததுதானா என்று தெரியவில்லை. ஒரு சகவலைப்பதிவாளரளின் மீது சட்டப்பூர்வ நடவடிக்கை எடுப்பதென்பது மிகக் கசப்பான ஒன்று, அதை நம்மில் பலரும் விரும்பவில்லை, அவரின் ஐபி முகவரியோ அல்லது அவர் யாரெனத் தெரிந்தாலோ இப்பிரச்சினையின் பெரும்பகுதி தீர்க்கப்பட்டுவிடும்.

(9) சில தளங்களில் ஒவ்வொரு முறை பின்னூட்டமிடும்போதும் முதலில் அவரின் ஐபி முகவரியும் அதையடுத்து நாம் எழுதுவதும் பதிவாகும் ( உதாரணம்: forum hub ). அதேபோல் அனைத்து வலைப்பதிவுகளிலும் செய்வது சாத்தியமானதா என்பது ஆராயப்படவேண்டும்.

(10) இதுவரை வந்த இத்தகைய பின்னூட்டங்களின் ஐபி முகவரிகளைப் பட்டியலிடுவது மிகப் பயனுள்ளதாய் இருக்கும்.

சென்ற பதிவின் தொடர்ச்சியாய் இதை எழுதியிருக்கிறேன். இன்னும் இது தொடர்பான யோசனைகள் நண்பர்களிடம் வரவேற்கப்படுகின்றன.
| | |
Comments:
//(9) சில தளங்களில் ஒவ்வொரு முறை பின்னூட்டமிடும்போதும் முதலில் அவரின் ஐபி முகவரியும் அதையடுத்து நாம் எழுதுவதும் பதிவாகும் ( உதாரணம்: forum hub ). அதேபோல் அனைத்து வலைப்பதிவுகளிலும் செய்வது சாத்தியமானதா என்பது ஆராயப்படவேண்டும்.
//

ppl could write to blogger, to display blogger id number along with thei comments.

blogspot comment section, could only be hacked to an extent. so we need blogger.com's help.

comments in wp, mt, blog:cms, nucleus all come with the ip nbr.(visible only to the admin)
 

1) உங்கள் கூற்று உண்மை. ஆனால் ஒரு தமிழர் அல்ல, பல தமிழர்கள்.

2)உண்மை.

3)இது சரி என்று சொல்வதற்கில்லை. ஏனெனில் வலைப்பதிவு வாசகர்கள் பலரைச் சந்தித்தும் உரையாடியும் இருக்கிறேன்.

4)இது ஓரளவுக்கு உண்மை. கணினியில் தேறியவர்கள் தெரியாமல் செய்கின்றனர்.

5)உண்மை.

6)சென்ற பதிவிலும் இதனைத்தான் வலியுறுத்தினேன். வலைப்பதிவர்கள் அனைவரின் ஐப்பியையும் தமிழ்மணம் மூலமாகச் சேமித்தபின் அவதூறு பதிவின் ஐப்பியினை ஒப்பிட்டுப் பார்க்கலாம்.

7)பெயரிலி உபயோகிப்பது சிறந்தது எனப் படுகிறது.

8)உண்மை.

9)இது ப்ளாக்கர் தளம் யோசிக்க வேண்டிய விசயம். மதியின் யோசனை பயன்தரத் தக்கது.

10)உண்மை.
 

மதி, மூர்த்தி,
உங்கள் கருத்துக்களுக்கு நன்றி.
 

Post a Comment

This page is powered by Blogger. Isn't yours?Weblog Commenting and Trackback by HaloScan.com