<$BlogRSDUrl$>

Tuesday, December 23, 2003

ஏஞ்சல் பயர் வலைப்பூ வசதி ...

இன்னைக்கு ரொம்ப நேரம் feed back ஸ்கிரிப்ட் சேர்க்கவும் , தானியங்கி எழுத்துருவைச் சோதனை செய்து பார்க்கவுமே செலவாயிடுச்சு.... சின்ன வேலைதான் இது ஆனாலும் முதல் முதலில் செய்வதால் மிக அதிக நேரமாகிறது ...

ஏற்கனவே சில நாட்களுக்கு முன் மீனாக்ஸ் எப்படி feed back படிவத்தை டெம்ப்ளேட்டில் இணைப்பது என்று மின்னஞ்சலில் எனக்குச் சொல்லியிருந்தார் ... முயன்று பார்த்தேன் .. ஒரு வழியாக இணைத்துவிட்டேன் ... இன்று நான் இவ்வளவு நேரம் டெம்ப்ளேட்டுடன் சண்டை போட்டதற்காகவாவது யாராவது ஒரு வரி கமெண்ட் எழுதினால் தேவலை ... :)


யாராவது ஏஞ்சல் பயர் வலைப்பூவைச் சோதனை செய்து பார்த்தார்களா என்று தெரியவில்லை ... நேற்று நான் சோதனை செய்து பார்த்தேன் .. அங்கு யுனிக்கோடு தமிழ் நன்றாக வருகிறது .. அத்துடன் feedback மற்றும் feed back to back என்று நிறைய வசதி இருக்கிறது ... புரொகிராமிங் , HTML கிலோ என்ன விலை என்று கேட்பவர்கள் கூட மிக எளிதாய் அங்கு அவரவர் விருப்பப்ப்டி உருவாக்கிக்கொள்ளலாம் .. அவ்வளவு எளிதாய் இருக்கிறது .. அதை நான் முதலில் பார்த்திருந்தால் அங்கேயே ஆரம்பித்திருப்பேன் ...
(0) Your Comments | | | |

Thursday, December 18, 2003

தமிழும் ஆங்கிலமும்... சில அதிசய ஒற்றுமைகள் ... !

உலகில் பல இடங்களில் வழங்கும் பல மொழிகளிடையே எத்தனையோ ஒற்றுமைகள் உள்ளன .. மொழிகள் ஒன்றுக்கொன்று தொடர்புடையதாய் இல்லாமல் இருக்கும்போது இந்த ஒற்றுமைகள் வியக்க வைக்கின்றன .. இதைப் பற்றி அலசுவதே இப்பகுதியின் நோக்கம் .. முதலில் தமிழையும் ஆங்கிலத்தையும் எடுத்துக்கொள்வோமா .. ?

தமிழின் முதலெழுத்து " அ " - ஆங்கிலத்தின் முதலெழுத்து A .. தனியே எழுத்தை வாசிக்கும்போது " ஏ " என்று உச்சரிக்கப்பட்டாலும் அது ஒரு சொல்லில் வரும்போது அதன் உச்சரிப்பு " அ " தான் .. ( ஜெர்மன் போன்ற சில மொழிகளில் A வைத் தனியே உச்சரிக்கும்போதுகூட மிகச்சரியாய் " அ " என்று தமிழ் உச்சரிப்பிலேயே உச்சரிக்கிறார்கள் என்பது இங்கே குறிப்பிடத்தக்கது.. )

தமிழின் ஒன்பதாவது எழுத்து ஐ .. - ஆங்கிலத்தின் ஒன்பதாவது எழுத்து I

இன்னும் இதுபோல் நிறைய அதிசய ஒற்றுமைகள் உள்ளன ..

உதாரணமாய் ..

தமிழில் ஒரு , ஓர் என்ற வார்த்தைகளை எப்படிப் பயன்படுத்துகிறோமோ அதேபோல் ஆங்கிலத்தில் a , an என்ற வார்த்தைகளைப் பயன்படுத்துகிறார்கள் ..

தமிழில் உயிரெழுத்தில் ஆரம்பிக்கும் சொல்லைக் குறிப்பிடும்போது ஓர் என்ற வார்த்தையைப் பயன்படுத்துகிறோம் ..
உதாரணம் . ஓர் ஊர் ... ஓர் இலை என்பன ( ஒரு ஊர் , ஒரு இலை என்று சொல்வது இலக்கணப்படி தவறானதல்லவா .. ?.)

இதேபோல் ஆங்கிலத்தில் உயிரெழுத்தின் உச்சரிப்பில் ஆரம்பிக்கும் வார்த்தைகளைக் குறிக்கும்போது an என்ற வார்த்தையை பயன்படுத்துகிறார்கள் ..

எடுத்துக்காட்டாக:

Apple - an apple

இங்கே மிகவும் கவனிக்கத்தக்க , சுவையான கருத்து ஒன்று உண்டு .. நம்மில் பலருக்கு ஆங்கிலத்தில் எழுதும்போது a , an குழப்பம் வரலாம் .. ஏனென்றால் ஆங்கிலத்தில் ஆங்கில உயிரெழுத்தில் ஆரம்பிக்கும் சொற்களுக்கு மட்டும் என்று an பயன்படுத்துவதில்லை .. அச்சொல்லின் துவக்க உச்சரிப்பு உயிரெழுத்துப்போல் இருந்தாலே an பயன்படுத்துவார்கள் ..


இந்தக் குழப்பங்களுக்கு ஒரு எளிய தீர்வு உண்டு .. இதைக் கேட்டல் நீங்கள் ஆச்சரியப்படலாம் ... அந்த வார்த்தையைத் தமிழில் அப்படியே எழுதுங்கள் .. எழுதும்போது முதலில் தமிழ் உயிரெழுத்துவந்தால் அங்கு an போடுங்கள் .. சரியாக இருக்கும் ..

உதாரணமாக : honest man

இதற்கு a போடுவதா அல்லது an போடுவதா என்ற குழப்பம் வந்தால் அந்த உச்சரிப்பைத் தமிழில் எழுதுங்கள் ஆனஸ்ட் மேன் ..

முதலெழுத்து ஆ - தமிழ் உயிரெழுத்து எனவே நீங்கள் an பயன்படுத்தவேண்டும் ..

University .. இதற்கு a போடுவதா அல்லது an போடுவதா சந்தேகமா ..? உடனே தமிழில் எழுதுங்கள் யுனிவர்சிட்டி .

முதலெழுத்து யு தமிழ் உயிரெழுத்து இல்லை .. எனவே a போட வேண்டும்... இவை சிறிய உதாரணம் மட்டுமே .. இன்னும் நிறைய வார்த்தைகளை எடுத்துச் சோதித்துப் பாருங்கள் ...

இது எப்படிச் சாத்தியம் .. ? ஆச்சரியமாக இல்லை .. ? எனக்கு ஆச்சரியமாக இருக்கிறது ... உங்களுக்கு ... ?


இதுபோல் இன்னும் நிறைய இருக்கிறது .. தமிழில் ஒரு வினைச்சொல்லுடன் அன் அல்லது அர் என்று சேர்த்தால் அந்த வினையைச் செய்பவரைக் குறிக்கும். உதாரணமாக வண்டியை ஓட்டுபவரை ஓட்டுநர் என்கிறோமல்லவா.. ? அதுபோல .

ஓட்டு + அர் = ஓட்டுநர்

இதேபோல் ஆங்கிலத்திலும் நம்மால் காணமுடியும் ..

drive + அர் = driver .
cut + அர் = cutter

இவ்வாறு வினைச்சொல்லுடன் ( verb) அர் அல்லது அன் சேர்த்தவுடன் அது அதனைச் செய்யும் நபரையோ அல்லது அந்தத் தொழிலைச் செய்யும் பொருளையோ குறிக்கும் ..


இப்போது குறிப்பிட்டவை மிகச்சில உதாரணங்கள் மட்டுமே ...
நாம் சற்றே சிந்தித்தால் இன்னும் எத்தனையோ சொற்களை இதுபோல் காணலாம் ...


இன்னும் சில அதிசய ஒற்றுமைகள் ..

ஞாயிற்றுக் கிழமை - Sun day

ஞாயிறு என்றால் தமிழில் சூரியன் ... Sun என்றாலும் சூரியன் ..

திங்கள் கிழமை - Mo(o)n day

திங்கள் என்பது நிலவைத்தானே குறிக்கும் .. moon என்பதும் நிலவுதான் ..

சனிக் கிழமை - satur(n) day

சனிக்கிரகத்தைத் தான் நாம் ஆங்கிலத்தில் saturn என்கிறோம் ..

இவை தவிர இன்னும் எத்தனையோ சொல்லும் பொருளும் ஒத்த சொற்கள் ஆங்கிலத்தில் உள்ளன ...


catamaran - கட்டுமரம்

curry - கறி (ச்சாறு) ( குழம்பு )

curryleave - கறியிலை ( கறிவேப்பிலை )


anaconda ( snake ) - ஆனைக்கொன்றான் பாம்பு ( யானையையே கொல்லும் பாம்பு )


தமிழில் இருந்து ஆங்கிலத்துக்குச் சென்ற , மிகவும் பிரபலமான , அனைவராலும் ஏற்றுக்கொள்ளப்பட்ட , சில சொற்களே நாம் மேலே பார்ப்பவை ..
(0) Your Comments | | | |

Monday, December 15, 2003

ஆச்சரியம் .. ஆனால் உண்மை .. இலக்கியக்குவியல் இலவசமாய்

தமிழிலுள்ள அனைத்து இலக்கியங்களையும் வலைத்தளத்தில் ஏற்றும் அசுரத்தனமான முயற்சி சத்தமில்லாமல் நடைபெற்று வருகிறது .. மதுரை தமிழ் இலக்கிய மின் தொகுப்புத்திட்டம் என்பதுதான் அது . உலகெங்கிலும் உள்ள பல பெருமக்களின் முயற்சியுடன் இது வெற்றி நடை போட்டு வருகிறது.. இதுவரை பெரும்பாலான புகழ்பெற்ற தொன்மையான நூல்கள் ஏற்றப்பட்டுவிட்டன. இந்த தளத்துக்குச் சென்று பாருங்கள் ... அனைத்து நூலின் இணைப்பும் அற்புதமாய் வேலை செய்கிறது.


இதுவரை ஏற்றப்பட்ட நூல்கள் கீழே ....


-------------------------------------------------------------------------------------------
நூல் ஆசிரியர் வரிசை எண்
-------------------------------------------------------------------------------------------

அகங்களும் முகங்களும் சி. வில்வரத்தினம் 0065
அங்கயற்கண்ணி மாலை உ.வே. சாமிநாத அய்யர் 0160
அச்சப் பத்து (திருவாசகம்) மாணிக்க வாசகர் 0003
அச்சோப் பதிகம் (திருவாசகம்) மாணிக்க வாசகர் 0003
அடைக்கலப் பத்து (திருவாசகம்) மாணிக்க வாசகர் 0003
அதிசயப் பத்து (திருவாசகம்) மாணிக்க வாசகர் 0003
அபிராமி அம்மைப் பதிகம் அபிராமி பட்டர் 0026
அபிராமி அந்தாதி அபிராமி பட்டர் 0026
அபிராமி அந்தாதி / விளக்கஉரை கவிஞர் கண்ணதாசன் 0026
அமலநாதிபிரான் திருப்பாணாழ்வார் 0005
அருட்பத்து (திருவாசகம்) மாணிக்க வாசகர் 0003
அழகின் சிரிப்பு பாரதிதாசன் 0037
அழகர் கிள்ளை விடுதூது சொக்கநாதப்புலவர் 0103
அழியா நிழல்கள் ம.ஆ. நூமான் 0066
அற்புதப் பத்து (திருவாசகம்) மாணிக்க வாசகர் 0003
அறியப்படாதவர்கள் ஆ. யேசுராசா 0107
அன்னைப் பத்து (திருவாசகம்) மாணிக்க வாசகர் 0003
ஆசாரக் கோவை பெருவாயின் முள்ளியார் 0024
ஆசைப் பத்து (திருவாசகம்) மாணிக்க வாசகர் 0003
ஆத்திச்சூடி ஒளவையார் 0002
ஆதிநாதன் வளமடல் செயங்கொண்டார் 0060
ஆனந்த மாலை (திருவாசகம்) மாணிக்க வாசகர் 0003
இராமாயண வெண்பா மதுரகவி ஸ்ரீனிவாச அய்யங்கார் 0158
இராமானுஜ நூற்றந்தாதி திருவரங்கத்து அமுதனார் 0008
இருண்ட வீடு பாரதிதாசன் 0086
இருபதாம் நூற்றாண்டு ஈழத்தமிழ் இலக்கியம் மௌனகுரு, சித்ரலேகா, நூமான் 0117
இருபா இருப·து அருணந்தி சிவாசாரியார் 0068
இசை அமுது பாரதிதாசன் 0093
இளைஞர் இலக்கியம் பாரதிதாசன் 0108
இன்னா நாற்பது கபிலர் 0025
இன்னிலை பொய்கையார் 0051, 0027
இனி ஒரு வைகறை கே.பி. அரவிந்தன் 0097
இனியவை நாற்பது பூதஞ்சேந்தனார் 0025
ஈழநாடு இலக்கிய வளர்ச்சி தயாளசிங்கம் 0058
உண்மை விளக்கம் மணவாசகங் கடனார் 0068
உண்மை நெறி விளக்கம் உமாபதி சிவம் 0114
உயிருண்ணிப் பத்து (திருவாசகம்) மாணிக்க வாசகர் 0003
உலகநீதி உலகநாதர் 0022
எக்காலக் கண்ணி ?? 0155
எதிர்பாராத முத்தம் பாரதிதாசன் 0159
எண்ணப் பதிகம் (திருவாசகம்) மாணிக்க வாசகர் 0003
எண்ணெய்ச் சிந்து ?? 0149
ஏலாதி கணிமேதாவியார் 0029
ஏரெழுபது கம்பர் 0154
ஐந்திணை ஐம்பது மாறன் பொறையனர் 0027
ஐந்திணை எழுபது மூவாதியார் 0027
ஐங்குறு நூறு பாடியோர் - ஐவர் 0028
ஒப்பியல் இலக்கியம் கே. கைலாசபதி 0102
கந்த குரு கவசம் 0034
கந்த சஷ்டி கவசம் தேவராய சுவாமிகள் 0034
கந்தர் அலங்காரம் அருணகிரிநாதர் 0023
கந்தர் அநுபூதி அருணகிரிநாதர் 0023
கந்தன் மணம்புரி சிந்து சண்முகதாசன் 0149
களவழி நாற்பது பொய்கையார் 0025
களக்காட்டுச் சத்தியவாசகர் இரட்டைமணி மாலை ?? 0160
கலிங்கத்துப்பரணி செயங்கொண்டார் 0123
கலேவலா -தமிழாக்கம் -1 உதயணன் 0032
கலேவலா -தமிழாக்கம் - 2 உதயணன் 0033
கலேவலா -தமிழாக்கம் - 3 உதயணன் 0044
கலேவலா - உரைநடையில் கலேவலா 0143
கண்ணன் பாட்டு சி. சுப்ரமணிய பாரதியார் 0049
கண்ணி நூற்றைம்பது மதுர கவிராயர் 0005
கண்டப் பத்து (திருவாசகம்) மாணிக்க வாசகர் 0003
கனவின் மீதி கே.பி. அரவிந்தன் 0098
காகம் கலைத்த கனவு சோலைக்கிளி 0122
காதல் நினைவுகள் பாரதிதாசன் 0090
காதலினால் அல்ல (நாவல்) ரெ. கார்த்திகேசு 0148
கார் நாற்பது மதுரை கண்ணன் கூத்தனார் 0029
காரானை விழுப்பரையன் மடல் செயங்கொண்டார் 0060
காற்றுவழிக் கிராமம் எஸ். வில்வரத்தினம் 0099
கீர்த்தி திரு அகவல் மாணிக்க வாசகர் 0003
குடும்ப விளக்கு ¡ரதிதாசன் 0089
குயில் பாட்டு சி.சுப்ரமணிய பாரதியார் 0049
குயிற்பத்து (திருவாசகம்) மாணிக்க வாசகர் 0003
குலாப் பத்து (திருவாசகம்) மாணிக்க வாசகர் 0003
குழைப்பத்து (திருவாசகம்) மாணிக்க வாசகர் 0003
குறுந்தொகை பல ஆசிரியர்கள் ( 205) 0110
குழைத்த பத்து - மாணிக்க வாசகர் 0003
குறிஞ்சிப் பாட்டு கபிலர் 0073
கைந்நிலை புல்லங்காடனார் 0051
கொடிக்கவி உமாபதி சிவம் 0114
கொன்றை வேந்தன் ஒளவையார் 0002
கோதை நாச்சியார் தாலாட்டு - 0112
கோயில் திருப்பதிகம் (திருவாசகம்) மாணிக்க வாசகர் 0003
கோயில் மூத்த திருப்பதிகம் (திருவாசகம்) மாணிக்க வாசகர் 0003
சகலகலாவல்லிமாலை குமரகுருபரர் 0144
சங்கற்ப நிராகரணம் உமாபதி சிவம் 0133
சண்முக கவசம் பாம்பன் குமரகுருதாச சுவாமிகள் 0023
சந்திரிகையின் கதை சுப்ரமணிய பாரதியார் 0095
சரஸ்வதி அந்தாதி கம்பர் 0052
சடகோபர் அந்தாதி கம்பர் 0052
சிலப்பதிகாரம் / 1 பாகம் (புகார்க்காண்டம்) இளங்கோ அடிகள் 0046
சிலப்பதிகாரம் / 2 பாகம் (மதுரைக்காண்டம்) இளங்கோ அடிகள் 0111
சிலப்பதிகாரம் / 3 பாகம் (வஞ்சிக்காண்டம்) இளங்கோ அடிகள் 0111
சிவஞான போதம் மெய்கண்ட தேவர் 0080
சிவப்பிரகாசம் உமாபதி சிவம் 0115
சிறு கதைத் தொகுப்பு - 1 இரா. கார்த்திகேசு 0131
சிறு கதைத் தொகுப்பு -2 இரா. கார்த்திகேசு 0140
சிறிய திருமுறை திருமங்கை ஆழ்வார் 0007
சிறுச்செந்தூர் கந்தர் கலிவெண்பா குமர குருபரர் 0023
சிறுபஞ்ச மூலம் காரியாசான் 0020
சிவபுராணம் (திருவாசகம்) மாணிக்க வாசகர் 0003
சிறுபாணாற்றுப்படை நத்தத்தனார் 0064
சித்தர் (பட்டினத்தார்) பாடல்கள் பட்டினத்துப் பிள்ளையார் 0083
சித்தர் பாடல்கள் தொகுப்பு பல ஆசிரியர்கள் 0076
சித்தர் பாடல்கள் (மெய்ஞ்ஞானப் புலம்பல்) பத்திரகிரியார் 0074
சித்தராரூட நொண்டிச்சிந்து ?? 0149
சிதம்பர மும்மணிக் கோவை குமரகுருபரர் 0163
சீறாப்புராணம் காண்டம்-1 பாகம்-1 உமறுப் புலவர் 0167
சீறாப்புராணம் காண்டம்-1 பாகம்-2 உமறுப் புலவர் 0168
சுப்பிரமணியர் மேல் சிந்து ?? 0149
சுய சரிதை சி. சுப்ரமணிய பாரதியார் 0021
சூடாமணி நிகண்டு மண்டல புருடர் 0118
சூளாமணி தேலாமொழித்தேவர் 0035
செத்திலாப் பத்து (திருவாசகம்) மாணிக்க வாசகர் 0003
சென்னிப் பத்து (திருவாசகம்) மாணிக்க வாசகர் 0003
சோமேசர் முதுமொழி வெண்பா சிவஞான முனிவர் 0137
ஞானப் பாடல்கள் சி. சுப்ரமணிய பாரதியார் 0021
தண்ணீர் தேசம் கவிஞர் வைரமுத்து 0011
தண்டி அலங்காரம் தண்டியாசிரியர் 0145
தமிழ் விடுதூது மதுரை சொக்கநாதர் 0040
தமிழ் இயக்கம் பாரதிதாசன் 0084
திணைமொழி ஐம்பது கண்ணன் சேந்தனார் 0027
திணைமாலை நூற்றைம்பது கணிமேதையார் 0056
திருஅம்மானை (திருவாசகம்) மாணிக்க வாசகர் 0003
திரு இசைப்பா (11ம் திருமுறை) பல ஆசிரியர்கள் 0092
திருஏசறவு (திருவாசகம்) மாணிக்க வாசகர் 0003
திருஉந்தியார் உய்யவந்ததேவ நாயனார் 0120
திருக்கடவூர் பதிகங்கள் அபிராமி பட்டர் 0075
திருகடுகம் நல்லாதனார் 0048
திருக்கழுக்குன்றப் பதிகம் (திருவாசகம்) மாணிக்க வாசகர் 0003
திருக்கோத்தும்பி (திருவாசகம்) மாணிக்க வாசகர் 0003
திருக்களிற்றுப்படியார் 0120
திருக்காளத்தி இட்டகாமிய மாலை ?? 0160
திருக்கோத்தும்பி மாணிக்க வாசகர் 0003
திருக்குறள் திருவள்ளுவர் 0001
திருக்குறள் / ஆங்கில மொழியாக்கம் கவியோகி சுத்தானந்த பாரதியார் 0017
திருக்குறள் - ஆங்கில மொழிபெயர்ப்பு ஜி.யூ. பாப் மற்றும் பலர் 0153
திருக்குற்றாலக் குறவஞ்சி திருக்கூட ராசப்பக் கவிராயர் 0106
திருக்குற்றால மாலை திருக்கூட ராசப்பக் கவிராயர் 0106
திருக்குற்றாலப் பதிகம் திருஞான சம்பந்தர் 0106
திருக்குறும்பாலப் பதிகம் திருஞான சம்பந்தர் 0106
திருக்குறுந்தாண்டகம் திருமங்கை ஆழ்வார் 0007
திருக்கை வழக்கம் கம்பர் 0154
திருச்சந்த விருத்தம் திருமழிசைபிரான் 0005
திருச்சதகம் (திருவாசகம்) மாணிக்க வாசகர் 0003
திருச்சாழல் (திருவாசகம்) மாணிக்க வாசகர் 0003
திருத்தசாங்கம் (திருவாசகம்) மாணிக்க வாசகர் 0003
திருச்சிற்றம்பலக் கோவையார் மாணிக்க வாசகர் 0054
திருச்செந்து¡ர் கந்தர் கலிவெண்பா குமரகுருபரர் 0144
திருத்தேள் நோக்கம் (திருவாசகம்) மாணிக்க வாசகர் 0003
திருத்தெள்ளோணம் (திருவாசகம்) மாணிக்க வாசகர் 0003
திருநெடுந்தாண்டகம் திருமங்கை ஆழ்வார் 0007
திருப்புலம்பல் (திருவாசகம்) மாணிக்க வாசகர் 0003
திருப்பல்லாண்டு பெரியாழ்வார் 0005
திருப்பள்ளியெழுச்சி (திருவாசகம்) மாணிக்க வாசகர் 0003
திருப்பள்ளியெழுச்சி தொண்டரடிப்பொடி ஆழ்வார் 0005
திருப்பாண்டிப் பதிகம் (திருவாசகம்) மாணிக்க வாசகர் 0003
திருப்படை ஆட்சி (திருவாசகம்) மாணிக்க வாசகர் 0003
திருப்படை எழுச்சி (திருவாசகம்) மாணிக்க வாசகர் 0003
திருப்பாவை ஆண்டாள் 0005
திருப்பொன்னூஞ்சல் (திருவாசகம்) மாணிக்க வாசகர் 0003
திருப்பொற்சுண்ணம் (திருவாசகம்) மாணிக்க வாசகர் 0003
திருப்பூவல்லி (திருவாசகம்) மாணிக்க வாசகர் 0003
திருமந்திரம் - 1 (1,2 தந்திரங்கள்) திருமூலர் 0004
திருமந்திரம் - 2 (3-6 தந்திரங்கள்) திருமூலர் 0009
திருமந்திரம் - 3 (7-9 தந்திரங்கள்) திருமூலர் 0010
திருமந்திரம் / பாயிரம் திருமூலர் 0004
திருமந்திரம் / தந்திரம் -1 திருமூலர் 0004
திருமந்திரம் / தந்திரம் -2 திருமூலர் 0004
திருமந்திரம் / தந்திரம் - 3 திருமூலர் 0009
திருமந்திரம் / தந்திரம் - 4 திருமூலர் 0009
திருமந்திரம் / தந்திரம் -9 திருமூலர் 0010
திருமந்திரம் / தந்திரம் -5 திருமூலர் 0009
திருமந்திரம் / தந்திரம் -6 திருமூலர் 0009
திருமந்திரம் / தந்திரம் -7 திருமூலர் 0010
திருமந்திரம் / தந்திரம் 8 திருமூலர் 0010
திருமலையாண்டவர் குறவஞ்சி ?? 0109
திருமாலை தொண்டரடிப்பொடி ஆழ்வார் 0005
திருமுருகாற்றுப்படை நக்கீரர் 0067
திருமுறை 8/ திருச்சிற்றம்பலக் கோவையார் மாணிக்க வாசகர் 0054
திருமுறை 8/ திருச்சிற்றம்பலக் கோவையார் மாணிக்க வாசகர் 0054
திருமுறை 9 / திருஇசைப்பா சேந்தனார் 0092
திருமுறை 9 / திருஇசைப்பா கருவூர்த்தேவர் 0092
திருமுறை 9 / திருஇசைப்பா பூத்¢ருரூத்த 0092
திருமுறை 9 / திருஇசைப்பா கண்டராதித்தர் 0092
திருமுறை 9 / திருஇசைப்பா வேணாட்டடிகள் 0092
திருமுறை 9 / திருஇசைப்பா திருவாலியமுதனார் 0092
திருமுறை 9 / திருஇசைப்பா திருமாளிகைத்தேவர் 0092
திருமுறை 10/ திருமந்திரம் திருமூலர் 0004, 0009 & 0010
திருமுறை 11-1/ பாசுரங்கள் திருஆலவாய் உடையார் 0126
திருமுறை 11-1/ பாசுரங்கள் காரைக்கால் அம்மையார் 0126
திருமுறை 11-1/பாசுரங்கள் ஐயடிகள் காடவர்கோன் நாயனார் 0126
திருமுறை 11-1/பாசுரங்கள் சேரமான் பெருமாள் நாயனார் 0126
திருமுறை 11-1/பாசுரங்கள் நக்கீரதேவ நாயனார் 0126
திருமுறை 11-1/பாசுரங்கள் கல்லாடதேவ நாயனார் 0126
திருமுறை 11-1/பாசுரங்கள் பரணதேவ நாயனார் 0126
திருமுறை 11-1/பாசுரங்கள் இளம்பெருமான் அடிகள் 0126
திருமுறை 11-1/பாசுரங்கள் அதிராவடிகள் 0126
திருமுறை 11-2/ பாசுரங்கள் பட்டினத்துப் பிள்ளையார் 0127
திருமுறை 11-2/பாசுரங்கள் நம்பியாண்டார் நம்பி 0127
திருமொழி பெரியாழ்வார் 0005
திருவண்டப்பகுதி (திருவாசகம்) மாணிக்க வாசகர் 0003
திருவந்தாதி /1 பொழ்கை ஆழ்வார் 0007
திருவந்தாதி /2 பூதத்தாழ்வார் 0007
திருவந்தாதி /3 பேயாழ்வார் 0007
திருவருட்பா / அகவல் இராமலிங்க அடிகள் 0031
திருவருட்பா / திருமுறை 1(பாடல்கள் 1-570) இராமலிங்க அடிகள் 0018
திருவருட்பா / திருமுறை 2.1 (பாடல்கள் 571-1006 ) இராமலிங்க அடிகள் 0018
திருவருட்பா / திருமுறை 2.2 (பாடல்கள் 1007 - 1958) இராமலிங்க அடிகள் 0136
திருவருட்பா / திருமுறை 3 (பாடல்கள் 1959 - 2570) இராமலிங்க அடிகள் 0124
திருவருட்பா / திருமுறை 4 (பாடல்கள் 2571 - 3028) இராமலிங்க அடிகள் 0125
திருவருட்பா / திருமுறை 5 (பாடல்கள் 3029-3266) இராமலிங்க அடிகள் 0128
திருவருட்பா / திருமுறை 6.1 (பாடல்கள் 3267 -3871) இராமலிங்க அடிகள் 0130
திருவருட்பா / திருமுறை 6.2 (பாடல்கள் 3872 - 4614) இராமலிங்க அடிகள் 0135
திருவருட்பா / திருமுறை 6.3 (பாடல்கள் 4615-5818) இராமலிங்க அடிகள் 0146
திருவருட்பா / தனிப்பாடல்கள் இராமலிங்க அடிகள் 0135
திருவருட்பயன் உமாபதி சிவாச்சாரியார் 0081
திருவாசகம் மாணிக்க வாசகர் 0003
திருவாசகம் (ஆங்கில மொழியாக்கம்) ஜி. போப் / மாணிக்க வாசகர் 0094
திருவாசிரியம் நம்மாழ்வார் 0007
திருவார்த்தை (திருவாசகம்) மாணிக்க வாசகர் 0003
திருவாரூர் நான்மணிமாலை குமரகுருபரர் 0163
திருவாழ்மொழி நம்மாழ்வார் 0008
திருவிருத்தம் நம்மாழ்வார் 0007
திருவெம்பாவை (திருவாசகம்) மாணிக்க வாசகர் 0003
திருவெண்பா (திருவாசகம்) மாணிக்க வாசகர் 0003
திருவெழுகூற்றிருக்கை திருமங்கை ஆழ்வார் 0007
திருவுந்தியார் (திருவாசகம்) மாணிக்க வாசகர் 0003
தேசிக பிரபந்தம் வேதாந்த தேசிகர் 0013
தேசிய கீதங்கள் சி. சுப்ரமணிய பாரதியார் 0012
தேவாரம் -முதல் திருமுறை, பாகம் 1 (பாடல்கள் 1-721) திருஞான சம்பந்தர் 0150
தேவாரம் -முதல் திருமுறை, பாகம் 2 (பாடல்கள் 722-1469) திருஞான சம்பந்தர் 0151
தேவாரம் -இரண்டாம் திருமுறை, பாகம் 1 (பாடல்கள் 1-654) திருஞான சம்பந்தர் 0157
தேவாரம் -இரண்டாம் திருமுறை, பாகம் 2 (பாடல்கள் 655-1331) திருஞான சம்பந்தர் 0162
தொல்காப்பியம் தொல்காப்பியர் 0100
நந்திக்கலம்பகம் ?? 0142
நடராசப் பத்து முனிசாமி முதலியார், சிருமாவூர் 0020
நளவெண்பா புகழேந்திப் புலவர் 0015
நல்வழி ஒளவையார் 0002
நன்னெறி துரைமங்கலம் சிவப்பிரகாச முனிவர் 0138
நன்னூல் -மற்றொரு பதிப்பு பவநந்தி முனிவர் 0152
நன்னூல் பவநந்தி முனிவர் 0147
நால்வர் நான்மணி மாலை துரைமங்கலம் சிவப்பிரகாச சுவாமிகள் 0138
நான்மணிக்கடிகை விளம்பிநாகனார் 0047
நான்முகன் திருவந்தாதி திருமழிசை ஆழ்வார் 0007
நாச்சியார் திருமொழி ஆண்டாள் 0005
நாமக்கல் கவிஞர் பாடல்கள் -3 நாமக்கல் இராமலிங்கம் பிள்ளை 0085
நாமக்கல் கவிஞர் பாடல்கள் -2 நாமக்கல் இராமலிங்கம் பிள்ளை 0079
நாமக்கல் கவிஞர் பாடல்கள் -1 நாமக்கல் இராமலிங்கம் பிள்ளை 0072
நாலடியார் பல ஆசிரியர்கள் 0016
நாலாயிர திவ்ய பிரபந்தம் /1 பல ஆசிரியர்கள் 0005
நாலாயிர திவ்ய பிரபந்தம் /2 திருமங்கை ஆழ்வார் 0006
நாலாயிர திவ்ய பிரபந்தம் / 3 பல ஆசிரியர்கள் 0007
நாலாயிர திவ்ய பிரபந்தம் / 4 பல ஆசிரியர்கள் 0008
நீத்தல் விண்ணப்பம் மாணிக்க வாசகர் 0003
நீதி நெறி விளக்கம் குமரகுருபரர் 0144
நீதி வெண்பா ?? 0137
நெஞ்சு விடு தூது உமாபதி சிவம் 0115
நெடுநல் வாடை - நக்கீரனார் 0070
நேமிநாதம் குணவீர பண்டிதர் 0101
பகவத் கீதை / தமிழாக்கம், விளக்கவுரை சி. சுப்ரமணிய பாரதியார் 0014
பட்டினப்பாலை கடியலுர் உருத்திரங் கண்ணனார் 0077
பரிபாடல் பல ஆசிரியர்கள் ( 13 ) 0087
பரிபாடல் திரட்டு ? 0088
பதிற்றுப்பத்து பல ஆசிரியர்கள் 0038
பல்வகைப் பாடல்கள் சி. சுப்ரமணிய பாரதியார் 0021
பழமொழி நானூறு மூன்றுரை அறையனார் 0036
பழனி இரட்டைமணி மாலை ?? 0160
பழனியாண்டவர் காவடிச்சிந்து முத்துக் கறுப்பண்ணன் 0149
பழைய இராமயணம் ?? 0061
பாஞ்சாலி சபதம் பாரதிதாசன் 0091
பாண்டிய, சோழ, விஜயநகர அரசர் மெய்கீர்த்திகள் ??? 0134
பண்டாய நான்முறை (திருவாசகம்) மாணிக்க வாசகர் 0003
பாண்டியன் பரிசு பாரதிதாசன் 0104
பாட்டுக்கோட்டை பாடல்கள் பட்டுக்கோட்டை கல்யாணசுந்தரம் 0161
பாரதியார் பாடல்கள் / 1 சி. சுப்ரமணிய பாரதியார் 0012
பாரதியார் பாடல்கள் / 2 சி. சுப்ரமணிய பாரதியார் 0021
பாரதியார் பாடல்கள் / 3 சி. சுப்ரமணிய பாரதியார் 0049
பிரபந்தத் திரட்டு (திருவாசகம்) மாணிக்க வாசகர் 0003
பிரபந்தத் திரட்டு / முதல் பாகம் தி மீனாட்சிசுந்தரம் பிள்ளை 0129
பிடித்த பத்து (திருவாசகம்) மாணிக்க வாசகர் 0003
புணர்ச்சிப் பத்து (திருவாசகம்) மாணிக்க வாசகர் 0003
புரட்சிக் கவிதைகள் -பாகம் 1, 2 கவிஞர் பாரதிதாசன் 0166
புறநானூறு 0057
பெரிய திருமடல் திருமங்கை ஆழ்வார் 0007
பெரிய திருமொழி திருமங்கை ஆழ்வார் 0006
பெரிய திருவந்தாதி நம்மாழ்வார் 0007
பெருமாள் திருமொழி குலசேகரப் பெருமாள் 0005
பெரும்பாணாற்றுப்படை கடியலூர் உருத்திரங்கண்ணனார் 0069
பொருநாறாற்றுப்படை முடத்தாமக்கண்ணியார் 0063
பொன்னியின் செல்வன் கல்கி கிருஷ்ணமூர்த்தி 0169
போற்றிப் பொற்றொடை உமாபதி சிவம் 0114
மகரநெடுங் குழைக்காதர் பாமாலை நாராயண தீட்சதர் 0160
மகாபரத சூடாமணி ?? 0132
மதுரை மீனாட்சிஅம்மை பிள்ளைத்தமிழ் குமர குருபரர் 0043
மதுரைக் கலம்பகம் குமர குருபரர் 0045
மதுரைக் காஞ்சி மாங்குடி மருதனார் 0071
மதுராபுரி அம்பிகைமாலை குலசேகர பாண்டியன் 0050
மணிமேகலை சீத்தலைச்சாத்தனார் 0141
மனோண்மணீயம் பி. சுந்தரம் பிள்ளை 0105
மரணத்தில் வாழ்வோம் (கவிதை தொகுப்பு) பல ஆசிரியர்கள் 0088
மலைபடு கடாம் பெருங்கௌசிகனார். 0078
முகம் கொள் கே.பி. அரவிந்தன் 0096
முத்தொள்ளாயிரம் ?? 0122
முதுமொழிக் காஞ்சி மதுரை கூடலூர் கிழார் 0025
முல்லைப் பாட்டு /ஆராய்ச்சி மறைமலை அடிகள் 0053
மூதுரை ஒளவையார் 0002
மூவருலா ஒட்டக்கூத்தர் 0116
மோகவாசல் (சிறுகதைத் தொகுப்பு) இரஞ்ச குமார் 0082
வடமலை நிகண்டு ஈஸ்வர பாரதி 0113
வடிவுடை மாணிக்க மாலை இராமலிங்க அடிகள் 0031
வாழாப் பத்து (திருவாசகம்) மாணிக்க வாசகர் 0003
வளையாபதி ?? 0062
வினா வெண்பா உமாபதி சிவம் 0115
விவிலியம் / புதிய ஏற்பாடு /1 0019
விவிலியம் / புதிய ஏற்பாடு / 2 0030
விவிலியம் / புதிய ஏற்பாடு / 3 0039
விவிலியம் / புதிய ஏற்பாடு / 4 0041
விவிலியம் / புதிய ஏற்பாடு / 5 0042
விவிலியம் /புதிய ஏற்பாடு / ஏக்ட்ஸ் 0039
விவிலியம் / புதிய ஏற்பாடு / கொரிந்தியர்கள் 0041
விவிலியம் / புதிய ஏற்பாடு /எஸியன்ஸ் 0042
விவிலியம் /புதிய ஏற்பாடு / காலாசியர்கள் 0042
விவிலியம் / புதிய ஏற்பாடு / யோவான் 0030
விவிலியம் / புதிய ஏற்பாடு / லூக்கு 0030
விவிலியம் /புதிய ஏற்பாடு / மார்க்கு 0019
விவிலியம் /புதிய ஏற்பாடு / மாத்தியூ 0019
விவிலியம் / புதிய ஏற்பாடு / ஹீப்ரு 0042
விவிலியம் / புதிய ஏற்பாடு / பிலமோன் 0042
விவிலியம் / புதிய ஏற்பாடு /தெஸலோனியர்கள் 0042
விவிலியம் / புதிய ஏற்பாடு /திமோதி 0042
விவிலியம்/ புதிய ஏற்பாடு -6 / யாக்கோப்பு திருமுகம் 0156
விவிலியம்/ புதிய ஏற்பாடு -6 / பேதுரு முதல், இரண்டாம் திருமுகம் 0156
விவிலியம்/ புதிய ஏற்பாடு -6 / யோவான் மூன்றாம் திருமுகம் 0156
விவிலியம்/ புதிய ஏற்பாடு -6 / யூதா திருமுகம், திருவெளிப்பாடு 0156
விவேக சிந்தாமணி ?? 0059
வெற்றிவேற்கை அதிவீரராம பாண்டியர் 0139
வேல்விருத்தம் அருணகிரிநாதர் 0023
யாப்பெருங்கலக் காரிகை அமிதசாகரர் 0055
யாத்திரைப் பத்து (திருவாசகம்) மாணிக்க வாசகர் 0003

இன்னும் பல நூல்கள் ஏற்றப்பட்டு வருகின்றன .. முடிந்தால் நாமும் உதவலாம்... இந்தப் பெருமக்களுக்கு எப்படி நன்றி சொல்வது என்றே தெரியவில்லை.. இதில் பங்கேற்ற அனைவருக்கும் தமிழுலகம் பெரும் நன்றிக் கடன்பட்டுள்ளது ..
(2) Your Comments | | | |

ராமன் கட்டிய ஆதாமின் பாலம் ..... ?

புராண காலத்தில் ராமன் இலங்கைக்கும், இந்தியாவுக்குமிடையே பாலம் கட்டி சீதையை மீட்டதாய் நாம் அனைவரும் ராமாயணத்தில் படித்திருக்கிறோம். அதனோடு தொடர்புடைய ஒரு கட்டுரையை அமெரிக்க விண்வெளி நிறுவனமான நாசா ஆதாரங்களுடன் சமீபத்தில் வெளியிட்டது. தற்போதைக்கு அப்பாலம் நாசாவால் "ஆதாமின் பாலம்" என பெயர்சூட்டப்பட்டிருக்கிறது. அமெரிக்க விண்வெளி ஆய்வுச் செயற்கைக்கோள் எடுத்தனுப்பிய புகைப்படம் ஒன்றின் மூலம் கண்டறியப்பட்ட இந்தியாவுக்கும், இலங்கைக்குப் இடையேயான இப்பாலம் பல ஆர்வமிக்க ஆய்வுகளையும், சிந்தனைகளையும் தூண்டியுள்ளது.

பாலம் பற்றி ....

அந்தப் பாலம் சுமார் 30 கிலோ மீட்டர் நீளமுடையதாக இருக்கிறது. அதன் கட்டுமானப் பொருட்களும், பாலத்தின் அமைப்பும் அது மனிதனால் கட்டப்பட்டது என்பதை உறுதிசெய்கிறது. தொல்லியல்துறை ஆய்வுகள் மனிதனின் நடமாட்டம் இலங்கையில் சுமார் 1,750,000 வருடங்களுக்கு முன்பே இருந்திருக்கிறது என்பதை முடிவுசெய்கிறது. இங்கு, ராமாயணம் நடந்ததாகச் சொல்லப்படும் திருதாயுகம் 1,700,000 வருடங்களுக்கு முற்பட்டது என்பது இங்கே குறிப்பிடத்தக்கது.


பாலத்தின் தோற்றம்.. செயற்கைக்கோள் அனுப்பிய படம்...






பாலத்தின் மிக நெருங்கிய தோற்றத்தின் நிழல் படம்.....




மேலே காணும் இப்பாலம்(?) ஒருவேளை ராமன், வானர சேனை, ஜாம்பவான், அனுமான் ஆகியவர்களுடன் அந்தச் சின்ன அணிலும் சேர்ந்து கட்டியதுதானோ...? இதற்கு விடை சொல்வது அவ்வளவு எளிதா என்று திரும்பக் கேட்கிறீர்களா ..? அதுவும் சரிதான்!.
இப்பாலம் பற்றிய அடுத்த பதிவு இங்கே
(3) Your Comments | | | |

IP முகவரியும், கணினி இருக்கும் இடமும்..

ஏதோ ஒரு ஊரிலிருந்து உங்களுக்கு ஒரு அஞ்சல் கடிதம் வருகிறது .. அதை உங்களுக்கு அனுப்பியவரின் ஊரைப் பற்றிய தகவல் இருக்கும் .. அது பெயரில்லாமல் எழுதிய மொட்டைக் கடிதமானாலும் :) அவர் அனுப்பிய ஊரின் அஞ்சல் முத்திரை இருக்கும் .. இது நமக்குத் தெரியும் .. இதேபோல் நமக்கு வரும் இ-மெயிலை அனுப்பியவர் இருக்கும் ஊரைப் பற்றிய தகவல் இருக்குமா .. ? பதில் என்னவென்றால் ஆம்.. என்பதுதான் .. !

இணையத்தில் இணையும் ஒவ்வொரு கணினிக்கும் முகவரி தரப்படுகிறது.. இதனை IP முகவரி என்கிறோம். இந்த முகவரி நமக்குத் தெரிந்தால் அந்தக் கணினி எந்த ஊரில் அல்லது எந்த நாட்டில் இருக்கிறது என்று நம்மால் கூறிவிட முடியும். உதாரணமாக 80.145.88.48 இந்த IP முகவரி உடைய கணினி பிரேசில் நாட்டில் உள்ளது..

கொஞ்சம் சுவாரசியமான விஷயம் என்னவென்றால் நமக்கு வரும் இ-மெயில்கள் எங்கிருந்து வருகிறது என்று நம்மால் தெரிந்துகொள்ள முடியும். நீங்கள் ஏதாவது தீச்சுவரை உங்கள் கணினியில் நிறுவியிருந்தீர்களானால் உங்களுடைய கணினியுள் உங்களுக்குத் தெரியாமல் எத்தனைபேர் நுழைய முயற்சிக்கிறார்கள் என்றும் அவர்களின் ஐ.பி முகவரியையும் தெரிந்துகொள்ள முடியும். அந்த ஐபி முகவரி மூலம் அவர் எந்த ஊரிலிருக்கிறார் என்றும் கண்டுபிடிக்கலாம்.. சில நாட்களுக்கு முன் எத்தனை பேர் என்னுடைய கணினியுள் எனக்குத் தெரியாமல் நுழைய முயற்சிக்கிறார்கள் என்று ஸோன் அலாரம் என்ற தீச்சுவர் மூலம் கணக்கிட்டபோது ஒரு நாளில் ஆயிரக்கணக்கான தடவை நுழைய முயற்சி நடந்துள்ளது என்பதையறிந்து பிரமிக்குள்ளானேன் என்பது வேறு விஷயம்.

உங்களுக்கு இ-மெயில் அனுப்பியவரின் ஐபி முகவரியைக் கண்டுபிடிப்பது எளிது... உதாரணமாக யாகூ மெயிலை எடுத்துக்கொள்வோம்.. முதலில் உங்களுக்கு வந்த மெயிலை திறங்கள்.. பின்னர் அந்த மெயிலில் வலது மூலையில் உள்ள full headers என்பதைச் சுட்டவும். சுட்டியவுடன் உங்களுக்கு வந்த மின் மடல் பற்றிய விரிவான தகவலைக் காட்டும்.. அதில் உங்களுக்கு மடல் அனுப்பியவரின் ஐபி முகவ்ரி இருக்கும். அவ்வளவுதான் நீங்கள் ஐபி முகவரியைக்கண்டுபிடித்துவிட்டீர்கள்.. அவரின் ஐபி முகவரியை வைத்து இடத்தைக் கண்டுபிடித்துவிடலாம் .. எனவே அவர் சென்னையிலிருந்துகொண்டு தான் அமெரிக்காவிலிருப்பதாய் உங்களை நம்பவைக்கமுடியாது.

ஐபி முகவரியை வைத்து இடத்தைக் கண்டுபிடிப்பது எப்படியென்றால் அது மிக எளிது.. அதற்காகச் சில தளங்கள் இயங்குகிறது.. நீங்கள் அந்தத் தளத்துக்குச் சென்று ஐபி முகவரியைக் கொடுத்தீர்களானால் எந்த இடம் என்று சொல்லிவிடும். இதற்காக நான் வழக்கமாகப் பயன்படுத்தும் தளம் ஜியோபைட்ஸ் என்ற தளம் . இன்னொரு தளமும் உள்ளது.. இதையும் முயற்சித்துப்பார்க்கலாம்.

இத்தளத்துக்குச் சென்று ஒரு ஐபி முகவரியைக் கொடுத்தீர்களானால்.. உதாரணமாக ... எனக்கு அமெரிக்காவிலிருந்து வந்த ஒரு மெயிலில் இருந்த ஐபி முகவரி 216.39.67.119 . இது உண்மையிலேயே அமெரிக்காவிலிருந்து வந்ததுதானா என்று அறிய
http://www.geobytes.com/IpLocator.htm சென்று 216.39.67.119 என்பதைக் கொடுத்தால் அது இந்த முகவரி அமெரிக்காவிலுள்ள டெக்ஸாஸ் மாநிலத்தில் டல்லாஸ் என்ற இடத்திலிருந்து வந்திருக்கிறது என்று சொல்லிவிடும்..

இன்னும் இத்தகவலைப் பல வழிகளில் பயன்படுத்தலாம்.. நீங்களும் முயற்சித்துப் பாருங்கள்.. சுவாரசியமான துப்பறியும் விளையாட்டு இது .. :)
(0) Your Comments | | | |

This page is powered by Blogger. Isn't yours?Weblog Commenting and Trackback by HaloScan.com