தனியாகப் போட்டியிடப்போவதாய்க் கூறிவந்த விஜய்காந்த், பார்வர்ட் பிளாக் கட்சியுடன் கூட்டு வைக்கப்போவதாய்த் தெரிகிறது. அதிமுக, திமுக ஆகிய இரண்டுமே வலிமையான நிலையில் உள்ளதால் தனியாய்த் தேர்தலைச் சந்திப்பது அந்தளவுக்கு நல்லதல்ல எனப் பிறர் நினைப்பதாய்க் கூறப்படுகிறது.

திமுக, அதிமுக என எந்தக் கட்சிக்கூட்டணியில் சேர்வது எனக் கடைசிவரை குழப்பத்துடன் இருந்து, அதிமுக அழைப்பார்கள் என நம்பியிருந்து நடக்காமல் போனதால் விஜயகாந்த் கட்சியுடனாவது கூட்டுவைப்பது என்ற முடிவுக்குக் கார்த்திக் வந்துள்ளார். இவர்தவிர இத்தேர்தலில் இலவுகாத்த கிளிகளான திண்டிவனம், விஜய டி.ராஜேந்தர் போன்ற சிலரும் கூட்டணியில் சேரக்கூடும்.

ஜெயலலிதாவை எதிர்த்துக் கார்த்திக் ஆண்டிபட்டித் தொகுதியில் போட்டியிட உள்ளதால் இந்தக் கூட்டணி அதிக முக்கியத்துவம் பெறும், அல்லது குறைந்தபட்சம் சுவாரசியத்தை அதிகமாக்கும்.

| சுட்டி | Posted By Muthu | தொகுப்புக்கள் சில |

| | |